Azken ikasturteetan egin ohi dugun bezala, aurten ere aniztasun astea ospatu dugu ikastetxean eta aurtengoan genero identitate sexual desberdinak landu ditugu. Ekintza eta jarduera mordoa burutu dugu egunotan eta asteari amaiera emateko lip-dup dotore bat ere grabatu dugu. Ikusi nahi duzue? klikatu irudiak eta ikusi.

Gaurkoan Guraso Elkartearen eskutik Galtzagorri eta Galtzabeltz piratak izan ditugu lagun. Bi pirata dibertigarri hauek Patatapocha pirataren altxorra aurkitu arte mundu osoan zehar izandako abentura eta zoritxarrak kontatu dizkigute eta bai gustora egon garela begira! Kontinenteetako kultura-aniztasuna, ohiturak, hizkuntzak eta istorio asko ezagutu ditugu. Eta ze ote zegoen altxor kutxaren barruan? Urrezko txanponak? Bitxiak eta […]

Gaurkoan sirena hotsak, kea eta suhiltzaileak hara eta hona somatu izango dituzue eskola inguruan baina lasai, ezta inolako suterik izan! simulakro bat burutu dugu herriko suhiltzaile boluntarioekin elkarlanean. Eskerrik asko lagunak!

Iaz bezala aurten ere euskara modu txukunean erabiltzen saiatuko gara besteak beste egunerokoan egiten ditugun ohiko akatsak zuzenduz. Ondorengo irudietan dituzue ikastetxeko euskara batzordeak luzatu dizkigun adibide batzuk, eta kontuan izan gure web gunean ere baduzuela zalantzak argitzeko baliagarriak izan daitezken argibideak biltzen dituen “euskara hobean hobe!” atala. Euskara hobean hobe!