Euskararen eguna ospatu berri den honetan “hitz kuttuna” izeneko dinamika antolatu dugu ikastetxean, gure hizkuntzak dituen hitzei begiradatxo bat eskaini eta guretzat kuttunak direnekin mural batzuk osatuz. Hemen gure hitz kuttunen muralak.
“Egin nirekin ere euskaraz”
UEMAk “Egin nirekin ere euskaraz” kanpaina aurkeztu zuen atzo Leitzako udaletxean hedabideen aurrean egindako agerraldian eta bertan izan zen besteak beste Ainhoa Belaunzaran gure ikastetxeko zuzendaria ere. Klikatu irudia eta ikusi erran.eus hedabideak eskainitako informazioa.
Azaroak 25
Aurten ere emakumeen aurkako indarkeria desagerrarazteko nazioarteko egunaren aldarriarekin bat egin du gure ikastetxeak. Guraso elkartearekin elkarlanean aritu gara eta gure leloak zioen bezala, “inork ez diezazula inoiz hegan egitea eragotzi”. Klikatu irudia eta ikusi bideoa.
Elikagai bilketa
Iaz bezala aurten ere Erleta eskolan burutuko da elikagai eskasia dutenetzat egiten den bilketa. Azaroaren 20tik 24ra, goizeko 8:45tatik 9:00tara eta 14:00tan irakasleren bat egonen da zuen ekarpena jasotzeko Erleta eskolako jangelan. Animatu eta ea denen artean bilketa eder bat egiten dugun!
Ihauterien gaia aukeratzeko bozka
Ihauteriak urruti daudela badirudi ere uste baino lehen izango ditugu ate joka eta prestatzen hasteko aurtengo gaia zein den jakin behar. Iaz bezala ikasleek izan dute hitza, lehenik ziklo bakoitzak gai bat aurkeztu du eta ondoren lau gaien arteko bozka burutu dugu. Irudian ageri den bezala, BASERRIA izan da gai bozkatuena.
- « Previous Page
- 1
- 2
- 3
- 4
- 5
- 6
- …
- 36
- Next Page »